Skip to main content

Posts

Featured

छन्द नमिलेको कविता।

केहि शब्द बटुलेर
छन्दमा लेख्थें
धेरै साल पहिला
कमसेकम आँफुलाई भएपनि
चित्त बुझ्ने
गद्य कविता।

छन्द विग्रँदै गयो
लय नमिल्दै गयो।
अरुलाई त परै जाओस्,
आँफैलाई नै
मन नपर्ने हुन थाल्यो।
छन्द नमिलेको कविता।

शब्द छरेको
भाव नछिरेको।
जटाको बोक्रोमा
गुदी नभरिएको
जस्तो पो हुँदै गयो
कालखण्डको कविता।

'फेज अफ लाइफ',
स्टान्जा अफ पोएम।

स्पष्ट छन्द मिलेकोबाट
नमिल्दै नमिल्दै
आज
मुस्किलले निस्कने शब्दमा
अडियो,
जिन्दगीको कविता।


-
ध्रुब अधिकारी
२०७४ / असार / ११

Latest Posts

कसले कसलाई ?

४० इन्चको टिभी

मिलेन ?

कविता र परिवेश

नाम

कविता, विलौना र म

अफिसको डार्ट

फुटेको चुरा

"कवि ता"

SMS Culture