Skip to main content

Posts

Featured

कसले कसलाई ?

भिजाउँछु भनेरै त होला,
आकाशबाट मुसलधारे पानी पर्यो ,
भिजियो पनि ।
यौटै प्रश्न घुमिरह्यो,
उसले मलाई भिजायो
वा
म आँफै भिजिदिएँ ?

तर्साउँछु भनेरै त होला,
गड्यांग गुडुंग मेघ गर्जियो।
सिरिंगै हुने गरि बिजुली चम्कियो।

तर्सिइयो जस्तो पनि भो।
घर कहिले पुग्छु जस्तो पनि।
प्रश्न उस्तै रह्यो।
उसले मलाई तर्सायो,
वा
मै आँफै तर्सिदिएँ ?

भिजाउँछु, तर्साउँछु अनि गलाउँछु
भनेरै त लागि परेका थिए होलान्।
घर पुग्दा त गलियो नै।

प्रश्न उहि रह्यो।
मलाई गलाए
वा
म आँफै गलिदिएँ ?

- ध्रुब अधिकारी
२०७४/बैशाख/२१

Latest Posts

४० इन्चको टिभी

मिलेन ?

कविता र परिवेश

नाम

कविता, विलौना र म

अफिसको डार्ट

फुटेको चुरा

"कवि ता"

SMS Culture

'च' Generation